Videoklipet shqiptare kanë treguar se frymëzohen shpesh nga të huajat dhe kënga e Flori Mumajesi me Dhurata Dorën është shembulli i fundit. Veç ritmeve të ndërthurura mes muzikës “reggae” dhe “pop”, klipi duket se është i bazuar në stilin e dy prej këngëve të Rihanna-s, “Man Down” dhe “Wild Thoughts”.
Një shikim i përgjithshëm të krijon idenë “alla-RiRi”, por pse mos të flasim me fakte.
“Iconstyle.al” kapi disa detaje, që e bëjnë klipin e këngës “Trëndafil”, të ngjashëm me ato të këngëtares me famë botërore.
1.Vendi: Ambienti i vjetër
Muret e prishura dhe mobilet e vjetra, ambienti ku kërcejnë të gjithë ka një stil të vjetër dhe i përafrohet shumë atij të “Man Down” dhe “Wild Thoughts”.
2.Pasqyra
Mund ta vendosim edhe këtë detaj te e para, por menduam se pasqyra “do” rëndësinë e saj. Ky detaj e bën kaq të ngjashëm klipin e “Trëndafil” dhe “Wild Thoughts”. Ashtu si RiRi edhe Dhurata e përdor si një objekt për të reflektuar lëvizjet e saj sensuale.
3.Veshja dhe hyrja
Këngëtarja nga Kosova ka zgjedhur një veshje me dy pjesë, të ngjashme me atë të artistes nga Barbadosi, por me dizajnë të ndryshme.
Gjithashtu, i ngjashëm është edhe momenti kur të dyja hynë mes njerëzve, që po kërcejnë.
Po ashtu edhe Flori ka zgjedhur një këmishë me dizajnë, të ngjashme me atë të DJ Khaled, për t’u kombinuar me Dhurata Dorën dhe për t’iu përshtatur stilit “reggae” të këngës.
4.Njerëzit që kërcejnë
Sipas ritmit ose jo, në klipin e këngës “Trëndafil” njerëzit janë mbledhur për të kërcyer dhe për të dëshmuar talentin e tyre. Po ashtu edhe te dy këngët e Rihanna-s.
5.Flori në gjurmët e DJ Khaled
Momenti që Flori kërcen vetëm është i veçantë…
Një çast kërcimi ishte edhe në çift:
6.Arma
Ndoshta në klipin e Florit dhe Dhurata Dorës nënkupton që kënga do të vazhdojnë, pasi përfundon me detajin e armës. Në këngën e Rihanna-s, arma është nisja e klipit.
