Filloreta Raçi e njohur me emrin skenik Fifi është shndërruar në një ndër këngëtaret shqiptare më të suksesshme. Ajo gjithmonë transmeton imazhin e një femre të fortë, të drejtpërdrejtë dhe me një sens humori të jashtëzakonshëm. Por edhe njerëzit e fortë kanë ndjenja dhe bëhen të brishtë sidomos kur bëhet fjalë për lidhjet familjare.
Fifi ishte e ftuar në emisionin “Kush vjen për drekë” nga ku është emocionuar pas një video-mesazhi prekës të motrës së saj, Edona.
“Të falënderoj që na ke bërë krenarë dhe që je një motër perfekte”, i tha motra Fifit dhe kaq ka mjaftuar që ajo të shpërthejë në lot.
Këngëtarja simpatike ka zbuluar se preket kur bëhet fjalë për familjen e saj sepse e merr shumë malli për familjen duke qenë se jeton larg tyre. Prej kohësh Fifi është vendosur në Tiranë ku po zhvillon karrierën e saj artistike.
