Filloreta Raçi e njohur me emrin e artit, Fifi, ka arritur të fitojë zemrën e publikut jo vetëm me zërin e bukur, por edhe me karakterin e saj të veçantë. E drejtpërdrejtë në atë që thotë, por edhe me një sens humori Fifi di të jetë gjithmonë në qendër të vëmendjes.
Së fundmi ajo ka dhënë një intervistë për “Tell-all” për “Gazetën Shqiptare”, ku ka folur ndër të tjera edhe për pamjen e saj të jashtme. E pyetur nga gazetarja e emisionit nëse ka ndonjë mesazh për të gjithë ata që e quajnë të shëndoshë, Fifi është revoltuar dhe ka rrëmbyer mikrofonin.
“Veç edhe një herë t’ju dëgjojë të bëni krahasime e hollë e trashë, i madh, i vogël. Po ju them që ose duhet të më doni kështu siç jam ose kokën kam për t’ua u thyer të gjithëve, a e morët vesh”, ka thënë këngëtarja e njohur dhe ka filluar të qesh.
Më pas 23-vjeçarja ka thënë se nuk shqetësohet nga fjalët e të tjerëve, dhe sipas saj trupi perfekt nuk ekziston.
“Nuk më shqetësojnë fjalët e të tjerëve. Unë dua të bie dhe 10 kile për të mos qenë mbipeshë dhe kjo më leverdis për shëndetin tim, por nuk dua të kem përmasat e ashtuquajtura perfekte. Trupi perfekt nuk ekziston për mendimin tim. Askush nuk mund të më thotë cili është trupi perfekt dhe unë nuk dua ta arrij një të tillë”, tha Fifi ndër të tjera.
