Këngëtarja e njohur Fifi (Filloreta Raçi), ishte një nga banoret më të komentuara në “Big Brother Vip Albania 1.” Së fundmi ajo është rikthyer sërish në qendër të vëmendjes në lidhje me këtë reality-show, por kësaj here për formatin “BBV” që po zhvillohet në Kosovë.
Faqja zyrtare e “Big Brother Vip Kosova” ka publikuar një foto të këngëtares, ku tregon se sonte do të jetë në spektakël, pa dhënë më shuëm detaje nëse do të realizojë një performancë apo surprizë. Megjithatë lajmërimi i “BBVK”, i ripostuar edhe nga Fifi, thekson se ajo “do të futet në shtëpi.”
Më herët, këngëtarja e njohur ka treguar edhe banorët e saj të preferuar brenda shtëpisë.
“Unë prej sot shpall veten fanse të Arta Selimit, Getinjos dhe Gjon Karricës”, ka shkruar Fifi.
Fifi di të jetë gjithnjë në qendër të vëmendjes! Së fundmi, këngëtarja e njohur është ngjitur në skenën e “Fest 61” me Flori Mumajesin, ku kanë kënduar së bashku.
Jo vetëm kaq por ajo ka konfirmuar edhe një lajm mjaft të ëmbël. Ajo do të bëhet nënë për herë të parë.
“Jam njeriu më i lumtur në botë. Unë po pres një fëmijë! Kënaqësia më e madhe se nuk kam kënduar vetë, kam kënduar me fëmijën tim brenda. Zoti i bekoftë të gjitha mamatë. Jam duke rritur dicka shumë të shenjtë brenda meje, që është më e rëndësishme se cdo gjë tjetër”, tha këngëtarja në skenë e cila u shfaq mjaft e emocionuar.
