FIFA merr vendimin për Xhakën dhe Shaqirin: A do të pezullohen nga Botërori?

FIFA ka vendosur përfundimisht për fatin e dy futbollistëve shqiptarë në Kampionatin Botëror të Futbollit.

Xherdan Shaqiri dhe Granit Xhaka nuk do të pezullohen për festimin e tyre me gjestin e shqiponjës në ndeshjen ndaj Serbisë. Megjithatë ata nuk i kanë shpëtuar gjobës prej 10 mijë franga zvicerane secili.

Nga dënimi ka shpëtuar edhe kapiteni i Zvicrës, Stephan Lichsteiner, i cili bëri edhe ai shqiponjën në shenjë mbështetjeje për shokët e ekipit. Edhe kapiteni do të paguajë një gjobë prej 5 mijë franga zvicerane.

Federata Serbe kishte kërkuar që FIFA të reagonte ndaj këtij gjesti. FIFA e mori parasysh një kërkesë të tillë dhe nisi hetimin. Nëse do të dënoheshin, dy futbollistët shqiptarë të Zvicrës dhe kapiteni i saj do të mungonin në dy ndeshjet e ardhshme të Botërorit.

Zvicra, që ka 4 pikë pas barazimit me Brazilin dhe fitores me Serbinë, do të luajë ndeshjen e fundit të grupit me Kosta Rikën.

Lexo edhe :

Brenda “burgjeve për obezët” që janë bërë modë në Kinë: Të mbyllur duke ushtruar katër orë në ditë

15:52 13/04/26

Sulm ajror në jug të Libanit: 9 të vdekur dhe 13 të plagosur në Tefahta

14:24 13/04/26

Ndërkohë, dënimit nuk i ka shpëtuar as Federata Serbe e Futbollit, e cila duhet të paguajë 54 mijë franga zvicerane për shfaqjen e flamujve me mesazhe diskriminuese dhe hedhjes së objekteve në fushë nga tifozët.