Prej më shumë se 20 vitesh, emisioni “Opinion” është kthyer ne një nga emisionet më të dashura politike për publikun shqiptar. Por cili ka qënë skandali ose sherri më i madh i krijuar në këtë emision? Në një interviste për revistën “Class”, autori dhe moderatori Blendi Fevziu rrëfen se ngjarja më skandaloze ishte në vitin 2013, Kur në studio ishte i ftuar Artan Lame.
“Ka pasur shumë. Por më i keqi është ai që më ka pasur mua si protagonist, jo ndonjë të ftuar. Sherri i Majit 2013 me Artan Lamen, kur unë i bërtisja ‘Pusho’. Kështu që s’ka nevojë të ngarkoj me përgjegjësi të ftuarit. E marrë vetë këtë përgjegjësi.”, ka treguar Blendi.
Video ku gazetari Blendi Fevziu i bërtet të ftuarit “Pusho”, u përhap me shpejtësi në rrjetet sociale, madje e kthyen edhe ne video gazmore.
