Këtë vit Dua Lipa vendosi ta kalonte Krishtlindjen jo me familjen e saj, por me atë të partnerit, Anwar Hadid. Si fillim të gjithë menduam se Dua do festonte pranë familjes së saj në Britani, por më pas përmes disa postimeve u kuptua se ajo do i kalonte festat me Anwar.
Këngëtarja me origjinë shqiptare nuk ka ngurruar të ndajë edhe disa imazhe shumë të veçanta nga festimet me familjen e partnerit të saj. Ajo ka postuar disa foto me Anwar dhe të tjera nga tryeza festive. Por imazhi që ka tërhequr më shumë vëmendjen e të gjithëve është ajo e Duas me kunatat, Gigi dhe Bella, dhe me vjehrrën e saj, Yolanda Hadid. Nga fotografia të gjitha ato duken shumë të afërta me njëra-tjetrën dhe kanë vërtetuar edhe njëherë se kanë një raport perfekt së bashku.
Dua shihet se ka veshur për festën një fustan të shkurtër të zi, Gigi një jumpsuit bezhë, Bella një palë pantallona me kuadrata dhe një bluzë të zezë, ndërsa Yolanda është veshur shumë thjesht me një palë xhinse dhe një bluzë të kuqe. Duket se festën në kushte shtëpie të gjithë ata e kanë shijuar shumë.
View this post on Instagram
Së fundmi, Yolanda ka ndarë disa foto të tjera nga mbrëmja e tyre në rrjetet sociale. Ajo ka zbuluar se në fakt ata janë mbledhur në shtëpinë e Gigit me ftesën e saj.
Interesant është fakti se në mbrëmje ka marrë pjesë edhe Yolanda edhe Modamed së bashku me partnerët e tyre.
Në fotot e tjera të publikuara shihen edhe disa foto nga momentet e hapjes së dhuratave. Gigi dhe Zayn duket se kanë marrë veshje për të voglën e tyre. Kurse një nga dhuratat që ka marrë Dua është një varse.
View this post on Instagram
Ndërkohë, fansat po shpresojnë që këto mbledhje familjare të bëhen shkak që Dua dhe Zayn të sjellin një bashkëpunim me njëri-tjetrin. Ata të dy nuk kanë folur asnjëherë në lidhje me këtë gjë dhe na mbetet të shohim nëse do e plotësojnë në të ardhmen dëshirën e fansave.
