Supermodelja amerikane Gigi Hadid dhe këngëtari britanik Zayn Malik kanë qenë kryefjala e mediave kohët e fundit pasi fotot nga festimi i Krishtlindjeve në shtëpinë e tyre me familjarët e tyre filluan të qarkullonin në mediat sociale.
Dhe tani, një zog i vogël ka zbuluar të gjitha ato që nuk pamë në foto, dhe si ndihen prindërit e rinj pasi kaluan Krishtlindjet e tyre të para me vajzën e tyre.
Një burim ka zbuluar hollësitë për “HollywoodLife”, duke thënë: “Gigi dhe Zayn nuk kanë qenë kurrë më të lumtur. Ata të dy janë kaq të dashuruar me kokë e këmbë me vajzën e tyre të vogël, ajo me të vërtetë është një ëndërr e realizuar për të gjithë familjen. Gigi thotë të bërit prindër ishte gjëja më e mirë që i ka ndodhur ndonjëherë asaj dhe Zayn. Tani kanë një qëllim të përbashkët dhe ata janë plotësisht të bashkuar.”
Një tjetër person i brendshëm zbuloi se si jeta e supermodeles dhe këngëtarit ka ndryshuar pasi janë bërë prindër.
“Ata patën një Krishtlindje të mrekullueshme këtë vit dhe ishin kaq të veçantë sepse ata i jetuan ato përmes syve të vajzës së tyre. Ata e kuptojnë që vajza e tyre nuk e dinte saktësisht se Krishtlindjet ishin ndryshe nga çdo ditë tjetër, por Zayn dhe Gigi ishin të emocionuar dhe do ta shikojnë atë ditë si nostalgji të mrekullueshme kur të plaken. Janë këto momente në jetën e tyre që u tregojnë të dyve se me të vërtetë i kanë të gjitha. ”shtuan ata.
Jeta e dy të rinjve ka ndryshuar shumë pas ardhjes në jetë të vajzës së tyre, teksa janë treguar super të rezervuar rreth detajeve si gjatë shtatzënisë së modeles, ashtu edhe pas lindjes së saj.
Deri tani nuk dihet ende emri i të voglës, ndonëse teori të ndryshme dalin çdo ditë. Asnjëra prej tyre nuk është konfirmuar deri tani.
Disa javë më parë u raportua se Taylor Swift mund të ketë zbuluar emrin e të voglës, e cila sipas teorisë quhet ‘Dorothea’.
Mirëpo kjo teori është hedhur poshtë! TMZ ka mësuar se vajza e Gigi-t dhe Zayn nuk quhet Dorothea. Ndërkohë emri i saj nuk është mësuar ende dhe mesa duket çifti do të vazhojë ta mbajë edhe pak kohë të fshehtë.
Zayn nuk ka ndarë asnjë foto tjetër me të voglën përveç fotos së parë pas ardhjes së saj në jetë, kur publikoi një foto të dorës së tij dhe vajzës.
Ndërkohë, s’mund të themi të njëjtën gjë për Gigi, e cila na ëmbëlson hera-herës duke publikuar foto me shoqen e saj më të re dhe më të mirë.
Deri tani ende nuk na ka treguar portretin e saj (dhe nuk dihet nëse do e zbulojë ndonjëherë), por s’mund ta mohojmë se këto foto janë një dashuri.
