Regjisori shqiptar, Pluton Vasi, ka fituar çmimin si “Regjisori më i mirë” në Festivalin Ndërkombëtar të Filmit në Londër.
Ai konkurroi me filmin “Ndërkombëtarët”, i cili është vlerësuar mjaft nga të huajt.
“Ndërkombëtarët” u nominua në 3 kategori në Festivalin e Londrës; Skenari më i mirë, Regjia më e mirë dhe Filmi më i mirë në gjuhë të huaj.
Filmi i tij është në komedi e zezë, ku në rol kryesor luan aktori Eni Shehu.
Gjithashtu, kasti i aktorëve përbëhet gjithashtu nga Ardian Cerga, Hervin Çuli, Karafil Shena, Rovena Lule, Kastriot Çaushi, Alfred Trebicka, Lulzim Zeqja, Eriona Kakeli, Alert Çeloaliaj, Adele Gjoka etj.
Vasi njihet për individualitetin e tij në krijimtari si në filma dokumentarë, ashtu edhe artistik.
