Ekipi kombëtar i Argjentinës është kthyer në shtëpi, kësaj radhe me Kupën e Botës me vete. “Të kurorëzuar me lavdi”, siç thotë dhe himni i Argjentinës, Messi dhe shokët e skuadrës u kthyen në Buenos Aires ku u pritën nga qindra mijëra tifozë.
Aeroplani u ul në aeroportin e Ezeiza në mbrëmje, teksa aty u pritën nga futbolldashësit. Shumë të tjerë “u derdhën” në rrugët e kryeqytetit për të pritur Kombëtaren e tyre.
Federata e Argjentinës njoftoi zyrtarisht se festa e Kombëtares do të bëhet pasditen e së martës së bashku me tifozët për të festuar titullin Kampion Bote Ndërkohë, Qeveria e Argjentinës ka njoftuar se e marta e 20 Dhjetorit është festë kombëtare në vend dhe të gjithë janë pushim.
Pritet që mbi 1.5 milionë persona të marrin pjesë në festën e Kombëtares së Argjentinës gjatë pasdites.
Argjentina ka arritur të marrë Kupën e Botës, duke mundur kështu Francën me penallti me rezultatin 4 me 2. Koha e rregullt përfundoi 2-2, 90 minutësh “i çmendur”, i mbushur plot spektakël. Në shtesa ekipet shënuan nga një gol, me fituesin që u vendos nga penalltitë. Messi është shfaqur shumë i lumtur dhe i buzëqeshur pasi ky është Botërori i tij i parë i fituar me Argjentinën dhe i fundit.
Nga ana tjetër, gruaja e Messit, Antonela është shfaqur shumë e gëzuar pas fitores së Argjentinës me bashkëshortin e saj. Ajo u bashkua me djemtë Thiago, dhjetë vjeç, Mateo, shtatë vjeç dhe Ciro, katër vjeç. Dhe babai i Messit, Jorge, u shfaq mjaft krenar
Kylian Mbappe mori gjithashtu edhe cmimin si golashënuesi më i mirë në Kupën e Botës 2022. Ai ka shënuar plot 8 gola në turne. Ndërkohë, Messi mori cmimin si lojtari më i mirë. Ndërkohë, Messi shënoi 7 gola në turne.
