Të pasionuarit pas orëve kaluan dje mbrëmjen më fantastike, që mund të ëndërronin në Tiranë. Eventi i organizuar për herë të parë nga dyqani “Swatch” në Qendrën Metropol në rrugën “Sami Frashëri”, mblodhi të famshëm nga bota e televizionit, politikës dhe modës, por edhe adhurues të orëve të prodhimit zviceran, që ndjekin gjithmonë trendin e fundit të aksesorëve.
Festa nisi që në orët e para të ditës, ndërsa “Swatch” i mirëpriti të ftuarit me pije, koktej dhe muzikë në sfond, për t’i prezantuar me koleksionin më të fundit të orëve “Gala Night”, të cilat janë përshtatur për elegancë absolute të së përditshmes.
Pjesën më të madhe të orëve që kaluan në festë, të ftuarit soditën me dëshirë këndin e orëve në dyqan, për të zgjedhur të preferuarën e tyre dhe për të dalë nga qendra me një dhuratë të bukur.
Sigurisht që dhurata që i bën vetes të pëlqen më shumë, ndaj “Swatch” u kujdes që të ftuarit të gjenin orën unike që jo vetëm ju pëlqente, por dhe u shkonte me stilin.
Por kush ishin miqtë e “Swatch”, që morën pjesë në këtë event?! Si zgjodhën të vishen? Më poshtë do të shihni disa nga të pranishmit:
Ardit Gjebrea
Një nga miqtë më të mëdhenj të “Swatch”, Ardit Gjebrea, nuk mund të mungonte kurrsesi në festën e djeshme. Si gjithmonë elegant, producenti i njohur kishte zgjedhur një kostum blu me kuadrate për t’u dukur mjaft sharmant në këtë festë.
Anila Beko dhe vogëlushja Ana
Nënë e bijë nuk vonuan për të shijuar festën e parë të dyqanit “Swatch”. Ato mbërritën para babi Arditit dhe shijuan atmosferën festive. Duke qenë se “Swatch” ka dhe orë për miqtë e vegjël, bashkëshortja e Ardit Gjebreas, Anila Beko, kishte marrë me vete vajzën e vogël Anën, e cila e zbukuroi festën.
Eni Çobani
Prezenca e saj u vu re menjëherë sapo nisi festa. Eni Çobani ishte ndër të parat që mbërritën dhe qëndroi pjesën më të madhe të kohës duke admiruar orët e koleksionit të ri, “Gala Night”, për t’u bërë dhe një prej fanseve të tij më të mëdha. Juristja kishte veshur një fustan bardhezi që i falte shumë klas.
Rudina Magjistari
E buzëqeshur si gjithnjë, Rudina Magjistari iu bashkua atmosferës festive të “Swatch”. Si gjithnjë shumë e kuruar në pamje, moderatorja kishte veshur një fustan blu me lule që i jepte hijeshi ambientit.
Zana Guxholli
Një mike besnike jo vetëm e “Swatch” por e gjithë qendrës Metropol, Zana Guxholli, ishte gjithashtu e pranishme në festën e parë të “Swatch”. Si gjithnjë elegante, ajo u kujdes që të shijonte të gjithë koleksionin e ri të sapoardhur në dyqan, për t’u bërë një nga fanset më të mëdha të tij.
Roza Lati
Eleganca e Roza Latit u theksua edhe më shumë me fustanin që moderatorja kishte zgjedhur për eventin e “Swatch”. Një fustan rozë pas trupit dhe një palë këpucë ngjyrë floriri, që kombinonin me vathët dhe orën “Swatch” që i jepte hijeshi pamjes së saj.
Niko Komani
Elegant dhe i kujdesshëm në përzgjedhjen e ngjyrave, stilisti Niko Komani e çeli atmosferën me një këmishë rozë dhe një bluzë me vija. Ai dukej sikur e kishte planifikuar që do të kombinohej me moderatoren Roza Lati, pasi bënin shumë figurë të dy pranë njëri-tjetrit.
Estela Ujka
Kudo ku ka festa të bukura, ndodhet dhe Estela. Blogerja më e njohur shqiptare, dukej sikur kishte mbërritur nga Parisi me kapelen e saj tipike franceze dhe një fustan me lule lejla.
Eva Murati
Moderatorja e veshur me të kuqe, iu bashkua festës dhe u kujdes që të zgjidhte orën që i shkonte për shtat stilit elegant që ka Eva Murati. A e zgjodhi? Sigurisht, dhe u kënaq pa masë.
Olta Gixhari
Entuziazmin më të madh e tregoi aktorja Olta Gixhari, e cila nxitoi për të parë koleksionin e ri të “Swatch”. Jo vetëm që nuk munguan fotot dhe videot që ajo publikoi në “Instagram”, por aktorja nxitoi të bënte të sajën një prej orëve, nga shumë që provoi e pëlqeu dhe që i shkonin edhe me xhaketën blu.
Iva Tiço dhe Anjeza Maja
Vajzat na mahnitën me elegancën e tyre. Edhe pse erdhën bashkë, dy vajzat e njohura të televizionit, kishin zgjedhur të bënin kontrast me veshjen, Iva me një pamje klasike të një kostumi tipik i stilit të vjeshtës, ndërsa Anjeza e veshur “casual” me të zeza.
Për të gjithë ju që e humbët surpriza nuk ka mbaruar, ju mund të kënaqni veten me diçka speciale ose mund të gjeni dhuratën ideale për personat tuaj të dashur në dy dyqanet e “Swatch”, në Qendrën Metropol, rr. “Sami Frashëri” dhe në TEG.
Burimi: Iconstyle.al
