Diva e pop-it Beyonce festoi ditëlindjen e saj të 35-të më 4 shtator, të dielën. Ajo është përgjithësisht ylli i shfaqjes, por Beyonce kaloi pritshmërinë mbrëmjen e së hënës për festën e ditës së saj të lindjes.
Festa e saj e organizuar me temën e musical-it “Soul Train”, mblodhi disa nga emrat më të mëdhenj, bashkë me to edhe disa nga kostumet më fantastike.
Jay-Z, e motra Solange, P-Daddy, Alica Keys, Kelly Roëland, Usher e të tjerë miq të famshëm të çiftit, u veshën si personazhe të viteve ’70 për t’ju përshtatur temës së festës.
Diva e muzikës u vesh me një kostum tipik të atyre viteve, me shumë shkëlqim dhe pantallona me vetëm një këmbë, ndërsa Jay-Z dukej një shëmbëlltyrë e kitaristit Jimmy Hendrix.
Në një video të postuar në mbrëmje, shihet Beyonce teksa kërcen me bashkëshortin një fragment të musical-it, ndërsa të ftuarit e tjerë brohorasin për ta.
Me këtë rast këngëtarja kishte përgatitur një festë të madhe ku kishte ftuar jo vetëm të afërm por edhe miq.
Por ajo që u vu re ishte mungesa e dikujt dhe ajo ishte pikërisht Kim Kardashian me bashkëshortin e saj Kanye West. Nuk dihet nëse ata nuk kanë patur ftesë apo nuk kanë preferuar të shkojnë? Por duket se pas mbrëmjes së MTV Video Music Awards situata mes dy familjeve është e tensionuar.
*Shfleto galerinë
Burimi: Daily Mail
