Një vendim i ri vjen nga qeveria, duke vendosur se përveç ditës së martë, që është festa e së Sulltan Novruzit, edhe dita e hënë do jetë pushim.
Meqenëse dita e martë 22 mars është pushtim zyrtar për shkak të Festës së Sulltan Novruzit, burime nga qeveria thanë se në mbledhje do të vendoset të bëhet pushim edhe e hëna e 21 marsit. Arsyeja për këtë vendim mësohet se ka të bëjë me kursimin e energjisë.
Sipas vendimit, kjo ditë pushimi do të zëvendësohet me një ditë tjetër pushimi gjatë vitit në vijim.
Theksojmë se dita e Sulltan Novruzit, është ditë pushimi në Shqipëri.
Kjo ditë lidhet me ditëlindjen e Imam Aliut në Qabe. Në këtë ditë çdo gjë ringjallerohet, lind shpresa, ringjallja për gjithë njerëzimin. Ajo është një ditë e re, kur të gjithë shpresojnë për një të ardhme më të mirë.
“Novruzi” vjen nga persishtja dhe do të thotë “Dita e re”, ndërsa “Sulltan” është titulli i lartë që tregon rëndësinë e kësaj dite. Festa e Sulltan Novruzit ka mbërritur në viset shqiptare së bashku me besimin bektashian, në shekujt XV-XVI. Në shekullin XX dhe në mënyrë të veçantë në mesin e tij, kjo festë është shndërruar në një manifestim mbarëkombëtar.
