Fermerët grekë kërkojnë 7 mijë punëtorë shqiptarë për të vjelur frutat dhe perimet.
Ata i kanë bërë apel qeverisë greke të hapë menjëherë kufijtë me Shqipërinë për punëtorët sezonalë në fushën e bujqësisë.
Propozimi për të korrur fruta në Imathia dhe Pella, përfshin edhe marrjen e masave shëndetësore për të parandaluar epideminë.
Prodhuesit sugjerojnë që punëtorët të transportohen në Greqi nga Shqipëria me autobus, të kontrollohen në kufi për pasaporta dhe teste për koronavirusin, dhe më pas t’i nënshtrohen një kontrolli të dytë shëndetësor në spitalet e Verias dhe Edessas deri në daljen e analizave shëndetësore.
“Christos Giannakakis, president i Organizatës Kombëtare të profesionisteve për Industrinë e Frutave u shpreh për agjencinë greke te lajmeve se vjelja duhet të fillojë patjetër në fusha në fillim të majit, përndryshe edhe besueshmëria e Greqisë me klientët e saj jashtë vendit do të dëmtohet. Sipas fermerëve tashmë nuk ekziston asnjë pengesë, pasi edhe pala shqiptare ka pranuar të hapë kufijtë e saj për punëtorët e tokës”, raporton Vizion Plus.
Gjithashtu në një takim të fundit të Unionit të Punëtorëve Ruralë të Prefekturës së Imathias, u vendos paga ditore e punëtorëve të tokës të jetë 30 euro.
Pak ditë me parë kryeministri Edi Rama pati një bisede telefonike me homologun e tij kiriakos Micotakis për hapjen sa me të shpejtë të kufirit për këtë kategori emigrantesh.
/ Vizion Plus
