Fergie ishte përzgjedhur për të kënduar himnin kombëtar amerikan në ndeshjen e baskebollit të dielën mbrëma.
Por performanca e saj nxiti një mal reagimesh nga kritikët anë e mbanë botës, që sytë i kishin hapur te ndeshja e madhe.
Siç e do tradita, para ndeshjes një këngëtar/e e njohur duhet të performojnë himnin kombëtar dhe për këtë u përzgjodh Fergie. Ajo e këndoi himnin sipas stilit të saj dhe madje e mbroi performancën duke kërkuar ndjesë:
“Unë ndihem e nderuar dhe krenare që performova himnin kombëtar mbrëmjen e kaluar dhe kam dashur t’i shtoj një gjë të veçantë NBA. Jam një njeri që rrezikoj, por qartë ky performim nuk i pëlqeu të gjithëve. Unë e dua këtë vend dhe tentova më të mirën”, u shpreh Fergie.
Kjo performancë e këngëtares u përqesh nga lojtarët në fushë, teksa nga shumë njerëz u quajt “performanca më e keqe në historinë e himnit kombëtar amerikan”.
Kritikat u bënë aq të ashpra saqë Fergie i ndaloi komentimet në shumicën e postimeve të saj në Instagram, përfshirë një seri të imazheve nga kjo ndeshje.
Nëse doni të dini sesi është himni origjinal për të bërë dallimin, atëherë mund të dëgjoni këngëtaren Lady Gaga.
