Stresi ka qenë i ftuar sot në emisionin “Why not”, të Roza Latit, ku foli për jetën e tij private dhe një koment të tijin të bërë pak kohë më parë për femrat shqiptare që prishin familjet.
Moderatorja e pyeti reperin për prostitucionin e niveleve moderne dhe për cilat femra e ka patur fjalën pak kohë më parë kur tha se ato “po shkatërrojnë familje”.
Ai tregoi rastet që ka parë kur femra të reja shkojnë me burra të moshuar dhe ndajnë familjet:
“Femrat shqiptare janë për të ardhur gjynah si kanë përfunduar në rrugët e Tiranës, nëpër jetën e natës.
Shkojnë me moshën e baballarëve tanë, shembulli më i poshtër, më i pështirë, më i degjeneruar. Femra 18 vjeçe për çfarë po shkon me moshën e babit tim? Se është i bukur, se është i pastër, jo nuk është nikoqir”.
“Na ka ardhur në majë të hundës dhe po vazhdon, nuk i sheh nëpër lagje i sheh jashtë Tirane. Pogradec, Korçë aq larg ikin.
Po ndajnë shumë familje po ndodh një gjendje kaosi, po ndajnë çifte që janë dashuruar, tani meshkuj janë, po i mashtrojnë dhe prindërit e tyre. Ai të ka çuar të bësh shkollën në Tiranë”.
