Historia e trishtë e dy të moshuarve nga Korça të cilët u nxorën në mes të rrugës nga dy fëmijët e tyre, preku zemrat e të gjithëve. Të braktisur dhe në gjendje të vështirë shëndetësore dy të moshuarit prej ditësh flinin poshtë një peme.
Mirëpo një video e shpërndarë së fundmi në rrjetet sociale ku shihet sesi çifti endet rrugëve pa pasur një strehë ku të fusin kokën na preku të gjithëve. Ata kanë rrëfyer në këtë video vështirësitë e jetës së tyre, ndërsa askush nuk i ndihmonte.
“Në fillim djali, pastaj çupa. Po ja të shohim për ndonjë pemë, rrimë poshtë saj, pse ku të vemi. Kemi dy ditë që endemi rrugëve dhe as policia nuk na bën derman, i kam njoftuar por asgjë. Ushqehemi me lekët e pensionit. S’kemi shtëpi fare, na kanë nxjerrë edhe djali edhe çupa, të dy. Bashkia na tha se do na strehonte sot, por hiç asgjë. Dje fjetëm në hotel. Na dhanë nja 4-5 veta nga 1 mijë lekë, 2 mijë lekë dhe bëmë 10 mijë lekë. Por sonte jemi në krizë fare”, shprehet i moshuari në video.
Çifti në Korçë braktiset nga fëmijët on Vidnews.
Mirëpo pas thirrjeve të tyre për ndihmë, drejtori i fondacionit “Fundjavë Ndryshe”, Arbër Hajdari, ka lajmëruar se pak më parë është vënë në lëvizje dhe u ka gjetur dy të moshuarve një shtëpi në të cilën ata do të mund të qëndrojnë.
“Mirëmëngjesi! Që mbrëmë në darkë jam marrë me këtë rast kaq dramatik!
Lidhur me rastin e dy pleqve në Korçë. Ne do ti sigurojmë një banesë dhe do ti plotësojmë të gjithë kushtet! Faleminderit të gjithëve që jeni interesuar.”, shkruan Arbëri në postimin e tij.
