Këngëtari Nick Jonas dhe aktorja e njohur Priyanka Chopra vetëm pak orë më parë kanë ndarë me fansat e tyre të shumtë disa momente nga ceremonia e tyre e fejesës.
Çifti i famshëm e organizoi ceremoninë e fejesës në Mumbai, Indi, ku ishin të pranishëm familjarë dhe miq të tyre. Një ceremoni tradicionale që ngjante me skenat e një filmi Bollywood-ian.
Të veshur sipas traditave indiane çifti i famshëm ka realizuar me përpikëri të gjitha zakonet e kulturës së këtij vendi, prej nga është edhe origjina e aktores.
“Mënyra më e duhur për ta bërë këtë…me familjen dhe Zotin. Faleminderti të gjithëve për urimet dhe bekimet tuaja”, shkruan aktorja krahas një fotoje.
Por edhe këngëtari ka bërë gjithashtu një dedikim në profilin e tij në Instagram.
“Zonja e ardhshme Jonas. Zemra ime. Dashuria ime”, shkruante Jonas.
Dy artistët u përfolën se ishin në një lidhje që në muajin maj, ndërsa në muajin qershor ata e pranuan publikisht romancën e tyre.
