Prej ditësh, rrjetet sociale dhe mediat italiane kanë shpërthyer nga aludimet për një lidhje të mundshme mes dy artistëve të njohur, Fedez dhe Clara. Dyshimet u ndezën që pas publikimit të këngës së përbashkët “Scelte Stupide”, ku kimia artistike mes tyre ishte më se evidente.
Por mesa duket, ajo që ndodhi në studio nuk mbeti vetëm aty.
Revista e njohur Chi publikoi së fundmi një foto ku Fedez dhe Clara shfaqen shumë pranë njëri-tjetrit, në një restorant në Romë. Në imazhin që bëri xhiron e rrjetit, ata ndodhen pas një performance, ulur përballë, fytyrat shumë afër, aq sa duken në momentin e një puthjeje, ndërsa dora e Fedez ndodhet mbi shpatullën e saj.
Pavarësisht pamjeve, Clara reagoi menjëherë përmes një postimi në rrjete sociale, duke mohuar çdo lloj romance me reperin:
“Lexoj shpikje rreth jetës sime private”, shkroi ajo.
Duke ironizuar foton e revistës, ajo shtoi: “Arti i perspektivës në foto është i bukur.”
Clara ka qenë prej kohësh në një lidhje me Jacopo Neri, i cili nuk është pjesë e botës së showbizit dhe ndan të njëjtën moshë me këngëtaren.
