Kushdo që po shikon episodet e para të “The Ferragnez” në Amazon Prime e di se historia e jetës së Chiara Ferragni-t dhe Fedez-it po tregohet në seancat e tyre të terapisë në çift.
Pikërisht me këtë rast ka ndodhur një nga zbulimet më të vështira për reperin, i cili po përpiqej të shkonte në origjinën e frikës së tij, të tërheqjes në vetvete dhe të mos ndjerit në shumë raste.
Fedez shpjegoi se si fëmijë disa situata e bënë atë të mos ndihej nën kontrollin e asaj që po ndodhte dhe, i presionuar nga terapisti, ai tregoi një episod në veçanti:
“Kisha një dentist pedofil. Unë isha në shkollën fillore. A e dini kur shkoni te dentisti dhe ai duhet të bëjë rrezet X, zakonisht u vendosin një batanije plumbi mbi të brendshmet e fëmijëve? Ma vinte nën ato”.
Artisti saktësoi se nuk kishte pësuar dhunë, por se ishte shumë i tronditur nga zbulimi, i cili ndodhi kur prindërit e tij nuk ishin më në gjendje ta kontaktoinin:
“Në një moment ai zhduket. Prindërit e mi po përpiqeshin të bënin një takim me dentistin dhe ai ishte zhdukur. Ata shikojnë një speciale në televizion dhe zbulojnë se ai ishte një pedofil. Menjëherë pas kësaj, ky person vrau veten. Jam i vetëdijshëm se asgjë tjetër nuk ka ndodhur. Nuk kam pësuar dhunë të rëndë”,- tregoi ai.
Ajo që ndodhi, megjithatë, kontribuoi në mungesën e vetëvlerësimit të tij.
