Faton Shoshi hodhi pas krahëve historinë e dashurisë me Era Istrefin shumë shpejt, pasi u njoh me modelen kosovare. Në profilin e tij në “Instagram”, menaxheri i Ledri Vulës tregoi se ishte shumë i lumtur në krahët e modeles Gresa Hoti, teksa pozonin mbi një nga makinat e tij.
Por duket se lidhja nuk paska zgjatur më shumë se një muaj. Për revistën “Story”, Shoshi ka konfirmuar se i ka dhënë fund historisë së dashurisë me modelen Gresa Hoti dhe tani është beqar.
Sakaq, kur u pyet nga ndjekësit e saj për Shoshin, edhe modelja Gresa Hoti nuk i kurseu fjalët e mira.
“Lum nëna që e ka” – është shprehur Gresa, duke zbuluar se ndarja e tyre paska qënë me shumë mirëkuptim.
Gresa Hoti është një ndër modelet më të njohura në Kosovë, e cila nuk nguron të pozojë përpara aparatit “topless”. Ajo jeton në New York, por për shkak të angazhimeve profesionale ka udhëtuar drejt Gjermanisë, Spanjës, Francës, Maltës dhe Meksikës, së fundmi.
Hë pra vajza, ç’prisni, Shoshi është beqar?!
