“Po…Po e Po…lumturia është tek gjërat e vogla!!!” –do të shkruante Alfio Rrotani me 7 tetor në “Instagram”, duke konfirmuar se ai dhe moderatorja Fatma Methasani janë shumë të dashuruar.
E ftuar në emisionin “Pasditja ime”, Fatma ka rrëfyer se nuk ishte aspak në dijeni se lidhja e tyre do të bëhej publike pikërisht në atë moment dhe se ishte vetëm vendim i Alfios, nën efektin e alkoolit.
“Kishim kaluar në një fazë kur nuk përpiqeshim aq shumë të fshiheshim, por ende nuk ishim gati për ta bërtitur, kështu që ndodhi aksidentalisht. Ne ishim në një mbrëmje duke pirë diçka, bëmë disa foto nga këto që ruajmë edhe tani, por Alfio kishte pirë pak. Unë marr makinën e tij sepse nuk e ngiste dot vetë dhe ndjej telefonin që më binte. Kishte aq shumë mesazhe sa nuk dija çfarë po ndodhte. Ishte ky momenti kur kuptova që Alfio kishte postuar foton tonë dhe u zbuluam”, – u shpreh Fatma.
Nga ana tjetër, moderatorja e “Fun Day” zbulon se zënkat mes tyre janë rralluar, si pasojë e angazhimeve profesionale.
“Dikur ziheshim shumë, ndërsa tani më pak sepse takohemi më rrallë. Zihemi shumë për faktin që nuk gatuan, ose kur gatuan bën shumë enë për t’u larë. Zihemi pse nuk gjen dot çorapet në mëngjes”, – tha Fatma.
Moderatorja duket se ka rrëmbyer edhe zemrën e familjes së Alfios, teksa e ëma e tij i komentonte në foto me emoji-n e zemrave dhe puthjeve.
