Nuk e dimë se sa zemra vajzash mund të thyejë ky lajm, por numri 18 i “Southampton” është në një lidhje dashurie.
“Panorama Plus” ka zbuluar se 21-vjeçari po shijon një romancë me një vajzë të quajtur Fidela.
Siç mund ta shihni në foton e mëposhtme Fidela është një vajzë shumë simpatike, por nuk është një figurë publike. Rrjedhimisht, nuk dihet asgjë për jetën e saj private, por deri tani është mësuar se ajo studion për Drejtësi.
Nuk ka ende detaje se si Fidela dhe Broja janë njohur me njëri-tjetrin dhe sa vite kanë në lidhje, por nëse bazohemi te interpretimi i rrjeteve sociale, gjërat duken goxha serioze. Kështu, ylli i futbollit shqiptar ka vendosur në “Bio” e tij të Instagramit shkronjën e parë të emrit të të dashurës së tij, F, duke e shoqëruar edhe me një zemër të bardhë.
Ky është padyshim një hap i madh në zyrtarizimin e një lidhjeje.
Ndonëse Armando nuk ka postuar asnjë foto me partneren e tij dhe nuk ka folur asnjëherë publikisht rreth saj, komentet e tyre nuk mungojnë.
Në një postim Fidela i ka shkruar Brojës “Dashuria ime”, teksa ai ia ka kthyer me emojin e një unaze që lë të kuptohet shumë.
/panoramaplus
