Dita me shi mund të jetë një makth i vërtetë për disa sikurse për disa të tjerë mund të jetë dita e tyre ideale.
Shiu nuk është aleati i flokëve, i veshjes apo make up-it, gjithsesi nuk mund të ta prish ditën nëse mund të shmangësh problemet që sjell.
Vet koha e zymtë në një ditë me shi na bën melankolikë, por nuk duhet të lejoni që këtë ta shprehni edhe në veshjen tuaj duke zgjedhur rroba të zymta, apo duke dalë nga shtëpia pa bërë grimin e përditshëm.
Të vishesh bukur në një ditë me shi do të thotë të kënaqësh shpirtin tënd, por edhe tu ngresh moralin e tu kënaqësh sytë të gjithë atyre që ke përballë.
Por si kanë zgjedhur të vishen VIP-at shqiptarë këto ditë që shirat kanë pushtuar vendin tonë.
Marina Vjollca ka postuar në “Instagram” një foto nga provat e mbrëmshme për emisionin “C’est la Vie”. Ajo ka veshur një fustan të zi të shkurtër, të cilin e ka kombinuar me një palë çizme të gjata. Dhe si për ta thyer ngjyrën e zezë ka veshur një xhup të bardhë. Një aksesor tjetër i veshjes së Marinës është edhe kapuçi, i cili është i dashur nga të gjithë në këto ditë të ftohta.
Jonida Maliqi ka postuar në “Instagram” disa foto ku shihet e veshur me një pallto të gjatë super të ngrohtë. Ngjyra e tokës dominon, por si për ta thyer këtë ka veshur një bluzë ngjyrë rozë që e ëmbëlson akoma më shumë. Jonida ka vendosur të jetë praktike dhe ka veshur një palë xhinse ta çara. Në sy natyrisht që bien edhe syzet dhe çanta e firmës Channel.
Blogerja e njohur Aurela Hoxha ka postuar ditën e djeshme një foto në “Instagram” ku shfaqet e veshur e tëra me të zeza. Në veshjen e saj bien në sy një palë çizmet shumë të gjata. Mesa duket i paska marrë “masat” për këto ditë me shi.
Këngëtarja Xhensila Myrtezaj ka postuar për fansat një foto na “Instagram”, ku shihet qartë në veshjen dhe make-up-in e saj se dominuese janë ngjyrat e tokës. Një pulovër kafe e kombinuar me një këmishë të bardhë dhe me një bizhu gjithashtu mes ngjyrës kafe dhe të bardhë. Në fytyrë gjithashtu mbizotëron tonaliteti ngjyrë kafe.
Këngëtarja Rovena Stefa ndryshe nga gjithë VIP-at e tjerë ka vendosur që kësaj ditë me shi t’i jap ngjyra dhe ëmbëlsi. Një buzëkuq i ndezur dhe një pellush super i ngrohtë . Ndërkohë flokët i ka kapur bisht, një zgjedhje e zgjuar në një ditë me shi kur rrezikon të të lagen.
