Vetëm pak ditë na ndajnë nga nata kur Eugent Bushpepa do të konkurrojë me këngën e tij “Mall” në Eurovizion. Përveç provave që po bën, është e sigurt që Eugentit i duhet fat në këtë natë ndaj dhe një fanse e tij ka menduar t’i dhurojë diçka fatsjellëse.
Nikke Allen, ishte në radhët e publikut kur Eugent Bushpepa po jepte një konferencë. Në përfundim të saj ai zbriti nga skena për të takuar fansen e paralizuar e cila ishte në karrocë dhe nuk lëvizte dot drejt tij.
Eugent Bushpepa bisedoi pak me Nikke-n para se të merrte prej saj një bizhu fatsjellëse. Zonja më pas e uroi në gjuhën shqipe dhe i tha se kënga është shumë e bukur. I prekur nga fjalët e saj, Eugenti i dhuroi një puthje dhe videon e surprizës e publikoi në Facebook.
Fansja më pas komentoi në profilin e Eugentit për këtë takim të ëmbël që pati me të dhe zbuloi çfarë i kishte dhuruar:
“O Zot kjo jam unë, sa mirë që të takova Eugent,. jam e lumtur që të pëlqeu hajmalia në formë engjëlli”.
