Luana Vjollca përveçse është një moderatore shumë e pëlqyer nga publiku, është gjithashtu një këngëtare e cila po korr sukses me bashkëpunimet e publikuara.
Rikujtojmë se para pak javësh bukuroshja hodhi në tregun muzikor këngën “Sonte” për të cilën bashkëpunoi me këngëtarin Ramadan Krasniqi.
Luana numëron shumë ndjekës në llogarinë e saj dhe po ashtu edhe shumë fansa. Lidhur me këto të fundit, së fundmi na ka bërë përshtypje një koment i moderatores.
“Pse nuk ma urove ditëlindjen që e pata para një jave?”- i ka komentuar një nga fanset Luanës.
“Gëzuar ditëlindjen shpirti im. Më fal, po punoj fort me projekte të reja e koha s’po më premton të jem shpesh në Instagram. Por ju e dini sa shumë iu dua!”- është kundërpërgjigjur Luana.
Po mos ta dinim që moderatorja ka replikuar me një nga fanset, do mendonim se ajo i është drejtuar një personi shumë të afërt.
Falë reagimit të saj kuptuam që ajo ka një lidhje shumë të ngushtë me fansat dhe rrallë ndodh që personazhet e njohur publikë t’u përgjigjen me kaq shumë dashuri e zemërgjerësi personave që i adhurojnë…
