Duke qenë dy nga supermodelet më të kërkuara të momentit, pamja e tyre e jashtme komentohet shumë nga fansat.
Dhe për herë të parë Bella Hadid u përfshi duke iu përgjigjur një komenti, që akuzonte atë dhe shoqen e saj se i janë nënshtruar operacioneve plastike për të arritur bukurinë perfekte.
Një llogari në “Instagram” ka publikuar një foto të modeles, së bashku me një foto të mikes së saj Kendall Jenner, ku shtronte pyetjen: “Kendall apo Bella?”.
Një prej komentueseve shkroi: “Të dyja janë fallco, në fillim kanë bërë hundën, pastaj buzët dhe mos të harrojmë mollëzat. Paratë mund t’ju japin një fytyrë të re, por asnjëherë një personalitet më të mirë, gjë për të cilën këto dy vajza kanë nevojë.”
Bella vendosi që t’i përgjigjej kështu:
“Do të doja të mund të njihje personalitetin tonë. Bekime për ty zemër! Xhelozia është një thirrje për ndihmë dhe do të doja shumë të të ndihmoja”.
Hadid ka qenë në qendër të vëmendjes së fundmi pas publikimit të këngës së The Weeknd, “Wasted Times”, e cila flitet se i është kushtuar asaj.
“Ti ishe një kalorëse, kështu që kalëro si një kampione”, thuhet në tekstin e këngës.
Burimi: Daily Mail
