Anthony dhe Stephania u njohën në vitin 2013, gjatë koncertit që u mbajt në Philadelphia në turin e këngëtares Taylor Swift, “Red Tour”.
Dhe ku ka më mirë, se në momentin më të rëndësishëm të lidhjes së tyre të ishte e pranishme edhe këngëtarja. Anthony mendoi se propozimi ideal do të ishte pikërisht në vendin u u njohën për herë të pare, në koncert. Ndaj krijoi një llogari anonime në Twitter me emrin “Philadelphia Show Proposal” ku shkruante:
“Historia jonë e dashurisë nisi gjatë turneut ‘Red Tour’ në 2013-n. Taylor Swift është një pjesë e rëndësishme e marrëdhënies sonë. Askush më shumë se ajo s’mund ta bëjë propozimin tim më special.”
Dhe kështu, Anthony u ul në gjunjë dhe propozoi të dashurën e tij në prapaskenën e turit “Reputation tour”, ku e pranishme ishte edhe Taylor Swift.
“Ata erdhën dhe më takuan. Ata u njohën pesë vite më parë në ‘Red Tour’ dhe tani jam edhe unë mes tyre” – shkruan këngëtarja, krahas fotove të mrekullueshme së propozimit.
Mesa duket nga fotot, Taylor u gëzua më shumë se vetë e dashura e djaloshit për propozimin.
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
