Kur Dakota Johnson dhe Chriss Martin nisën të frekuentoheshin në tetor të vitit të kaluar, fansat, të nxitur pak edhe nga filmi “50 hijet e Greit”, dukeshin mjaft skeptikë dhe menjëherë arritën në konkluzionin se ky ishte vetëm një flirt.
Zërat përforcoheshin edhe më shumë nëpër media, kur ata shfaqeshin në dy shtete krejtësisht të ndryshme duke realizuar projektet respektive.
Por duket se Dakota dhe Chriss Martin sapo u dhanë një leksion të mirë të gjithë skeptikëve për dashurinë e tyre. Aktorja u fotografua në tapetin e kuq, e veshur me një fustan të bardhë bust të markës Christian Dior.
Por sytë na mbetën tek tatuazhi i saj, simboli i infinitit me shkronjën “X”.
Edhe Chriss u fotografua një ditë më pas, me të njëjtin tatuazh në krah! E pra, doni më shumë prova dashurie?!
Burime për “Dailymail” shprehen se familja respekton shumë lidhjen e Dakotës, edhe përse ajo ka zgjedhur ta mbajë private nga ata. E ëma Melanie Griffith dhe i ati i aktores, Don Johnson kanë përshtypjet më të mira për dhëndrin e ri, i cili jo vetëm që po ia bën vajzën të lumtur por është edhe shumë i talentuar.
