Pas plot 3 muajsh pa postuar asgjë në llogarinë e saj në Instagram, fansat u merakosën për këngëtaren Era Istrefi dhe madje fotot e saj u mbushën me komente nga ndjekësit në merak.
Të gjithë nisën të pyesnin ç’bëhet me këngëtaren e cila s’ka pasur gjë tjetër, veçse ka marrë një pushim nga rrjetet sociale.
Ishte motra e saj, Nora, ajo që publikoi një video ku tregonte se ishte me Erën, ndërsa pas saj ka reaguar edhe vetë Era.
Këngëtarja i ka hequr merakun të gjithëve me postimin e fundit në InstaStory, duke treguar se është mirë.
““Jam mirë dashuri, shpresoj që dhe ju te jeni mirë”, janë fjalët e Erës krahas fotos, për të qetësuar fansat e saj.
Në fillim të muajit shkurt, Era njoftoi se po punon për një projekt të ri muzikor, por ende nuk e ka publikuar dhe fansat janë në pritje.
