Ajo ka festuar 25-vjetorin e lindjes vetëm pak muaj më parë. Por Cara Delevingne do të jetë imazhi i një linje kremrash kundër rrudhave.
Bukuroshja londineze është imazhi më i fundit i “Dior Capture”, një linjë produktesh, e cila fokusohet nga serumi, pastruesi i fytyrës dhe kremrat kundër rrudhave.
Përdoruesit e rrjetit social “Twitter”, kanë shpërthyer ndaj zgjedhjes së kësaj firme për modelen shumë të re në moshë.
“Cara bukuroshe është vetëm 25-vjeçe. Unë jam 51-vjeçe dhe jam targeti i audiencës suaj. Është një krem anti-rrudhë. Kjo është diçka e padrejtë për të dhe për mua”, shkruan një komentuese.
Shumë të tjerë kanë shtruar pyetjen se pse kompania nuk ka zgjedhur një modele të madhe në moshë për promovimin e këtyre produkteve.
Ndjekësit u shprehën se Dame Maggie Smith duhet të ishte imazhi i kësaj linje.
Burimi: Daily Mail
