Ledjana dhe Mevlani që në takimin e parë të tyre u shfaqën shumë të afërt me njëri-tjetrin. Madje Mevlani i bëri dhe një këngë Ledjanës, që u bë shumë shpejt virale. Mirëpo marrëdhëniet mes tyre u ftohën për shkak të shumë arsyeve.
Në takimin e parë Ledjana nuk preferoi të shfaqte shumë afeksion ndaj Mevlanit para kamerave, ndërkohë që pas tyre bëri të kundërtën. Pikërisht kjo gjë nxiti debat të madh dhe madje Ledjana akuzoi produksionin se e kishte mashtruar dhe kishte mbajtur kamerat hapur pa dijeninë e saj. Më pas me hyrjen e vajzës nga Shkodra, Antonela, marrëdhënia mes tyre u ftoh akoma më shumë, Mevlani shprehu publikisht pëlqimin edhe për Antonelën dhe kjo e fundit i kërkoi atij t’i bënte këngë edhe asaj. Mirëpo kjo gjë nuk u prit mirë nga Ledjana, që pati një debat të ashpër me Antonelën disa javë më parë.
Megjithatë publiku duket se dëshiron ende ta shikojë Mevlanin dhe Ledjanën si çift. Konkurrentja ka treguar se ka marrë mesazhe të shumta në Instagram për të dalë në një tjetër takim me Mevlanin dhe jo vetëm në rrjete sociale. Ka pasur naga ata persona që i kanë dërguar mesazhe edhe në e-mail.
“Mirë në Instagram po në e-mail mos më shkruani për Mevlanin se unë e përdor për punë”, ka shkruar Ledjana.
Pas gjithë këtyre kërkesave na mbetet të shohim nëse Ledjana do e plotësojë kërkesën e publikut.
