Një intervistë në Los Angeles duket se i ka hapur probleme me fansat këngëtares shqiptare Dua Lipa.
E pyetur se kë do të zgjidhte si artist Taylor Swift apo Kanye West, 22-vjeçarja ka zgjedhur reperin e famshëm. si më të preferuarin mes tyre.
Qindra fansa të Taylor Swift i kanë dërguar mesazhe kërcënuese, të cilat kanë degjeneruar në sharje dhe kërcënime me jetë për Dua-n dhe familjen e saj. “Shpresoj të vdesësh”, është një nga tipet e mesazheve që i janë drejtuar asaj.
Dua Lipa është detyruar të japë një tjetër intervistë për të qetësuar fansat e irrituar dhe për t’u treguar se e gjitha ishte një keqkuptim.
Ajo është shprehur se e adhuron rrymën hip-hop dhe për këtë arsye zgjodhi Kanye West, në vend të Swift. Këngëtarja ka shtuar se Taylor është një artiste shumë e talentuar dhe nuk ka asgjë kundër saj.
Kujtojmë se Taylor Swift dhe Kanye West janë armiq që prej vitit 2009 dhe konfliktet mes tyre vazhdojnë edhe sot, ku ata hedhin baltë mbi njëri-tjetrin nëpërmjet teksteve të këngëve që krijojnë.
