Telenovela e ‘Rebelde’ është transmetuar në Shqipëri në vitin 2008 dhe në atë kohë ka thyer rekorde shikueshmërie.
Të gjithë të rinjtë ishin fiksuar pas saj, madje shpesh imitonin veprimet e aktorëve ose identifikoheshin me ta.
Në vitin 2008 të gjithë dëshironin të jetonin në kolegj, pasi e mendonin jetën po aq të bukur sa shfaqej në telenovelë.
Aktorët më kryesorë të ‘Rebelde’ ishin: ‘Roberta’, ‘Diego’, ‘Migel’, ‘Mia’, ‘Lupita’ dhe ‘Xhonavi’. Për të gjithë fansat e grupit më të dashur meksikan, kemi lajme të mira. “RBD” do të rikthehen me turne në vjeshtë.
“Muzika e RBD jetonte në zemrat e fansave tanë,” u shpreh Dulce María (Roberta) për Rolling Stone. “Por në vitin 2020, kur muzika jonë u vendos në shërbimet e transmetimit, pati një bum. Kur RBD ishte ajo që ishte, nuk kishte shërbime transmetimi, vetëm CD. Tani që të rinjtë mund të dëgjojnë, nostalgjia ka rilindur.”
Pesë anëtarët e “Rebelde”- Dulce Maria, Anahi, Maite Perroni, Christian Chavez dhe Christopher von Uckermann – u takuan me Rolling Stone përpara njoftimit të turneut të tyre dhe treguan pse tani është koha e përsosur për një ribashkim.
“Grupi ynë është më shumë se miq. Ata janë familje”, tha Von Uckermann. “Ne duam ta përfundojmë këtë udhëtim në një mënyrë kaq të dashur.”
Kujtojmë që vetëm Alfonso Herrera, i njohur si Migel në telenovelë nuk do të jetë pjesë.
