Gjatë festivalit muzikor të “Camp Flog Gnaw”, reperi i njohur Drake u përball me një incident aspak të këndshëm.
Reperi u fut në skenë si i ftuari special i mbrëmjes, por fansat shpërthyen në ofendime kundrejt tij.
Ata prisnin që në skenë të shfaqej dikush tjetër dhe surpriza e Drake nuk u pëlqeu aspak.
Ata i kërkuan reperit të largohej, megjithatë donin apo s’donin, ata dëgjuan deri në fund performancën e tij.
Kjo situatë e sikletshme duket se nuk i ka pëlqyer Drake, i cili pavarësisht se u mundua ta kalonte me sportivitet nuk e mbajti veten dhe ka reaguar me ironi.
Ai ka bërë një postimi në rrjetet sociale duke thënë se do të shfaqet në “Camp Flog Gnaw”, çdo vit.
“Kam lidhur një kontratë me përfaqësuesit e “Camp Flog Gnaw” dhe do të këndoj aty çdo vit për 10 vitet e ardhshme derisa ju të bëheni 30-vjeç, më vjen keq” -shkruan reperi me ironi në Instagram.
