Fansat e “Metallica”-s, kanë realizuar një video ku i kërkojnë Edi Ramës të sjellë grupin e rrokut të japin një koncert në Shqipëri.
City News shkruan që klubi i fansave të Metallica-s në Shqipëri “Enter St Albania”, i njohur dhe nga grupi i rokut ka realizuar një video-kërkesë për Ramën për të sjellë band-in në Tiranë. Drejtuesi i fanklubit, Ervin Gjonaj, i kërkon Ramës që institucionet përkatëse të qeverisë të mundësojnë një koncert të Metallica-s në Shqipëri.
Metallica gjatë një koncerti në Londër, pozoi me flamurin shqiptar dhe ndërkohë që anëtarët e grupit kanë marrë dhurata të ndryshme nga Shqipëria, si James Hetfield një bust të Skënderbeut, Robert Trujillo një bluzë të Kombëtares sonë me rastin e ditëlindjes së tij, bandës iu dhurua një libër Albania-Travel guide.
