Jeta e këngëtares Adelina Tahiri këto ditë është përshkuar nga disa ngjarje të bukura, të cilat i kanë ndryshuar jetën. Vetëm pak kohë më parë ajo lajmëroi zyrtarizmin e lidhjes së saj me avokatin 50-vjeçar maqedonas, Serjoza Markov.
Së shpejti Adelina do të bëhet edhe nënë e një djali. Një lajm ky që me sa duket e ka gëzuar pa masë këngëtaren shqiptare dhe e ka ndarë dhe me fansat e saj në “Instagram”.
Dje Adelina ka folur për herë të parë për shtatzëninë duke e cilësuar si një ndër periudhat më të lumtura të jetës së saj. Në këtë postim këngëtarja iu është përgjigjur edhe fansave për kritikat e shumta që i bënë për martesën me avokatin maqedonas, duke nënvizuar se dashuria nuk njeh kufi, racë apo moshë.
“Desha t’ju falënderoj të gjithëve për përkrahjen, për mirëkuptimin dhe çdo gjë të bukur, e të dedikuar. Faleminderit nga zemra është një fjalë e vogël. Jam në një gjendje, aq të emocionuar dhe të mirë, saqë nuk ekziston fjalë në fjalor të shpjegoj e të tregoj, si ndjehem. Dashtë Zoti çdo femër të kalojë në këtë periudhë më të bukur jetësore, që asnjë gjë s’më bën më të lumtur se shtatzënia.
Dua vetëm një gjë të shtoj, çdo gjë në jetë bëhet me dashuri, dashuria nuk ka kufi, as fe, as racë, as moshë. Unë nuk harroj kush jam, rrethanat nuk më ndryshojnë e as njerëzit që më rrethojnë. Jam krenare që jam shqiptare. Kam lind dhe do të vdes e tillë”,-shkruan Adelina në “Instagram”.
Pavarësisht këtij postimi fansat nuk kanë nguruar për ta sulmuar sërish këngëtaren për bashkëshortin e saj, në lidhje me kombësinë dhe moshën e tij të madhe.
