Kris Jenner postoi në rrjetet sociale për të ndarë disa nga dhuratat që mori për Ditën e Nënës; megjithatë, një prej tyre në veçanti, ndezi një debat masiv për shkak të reagimit të saj.
Mamaja e famshme mori një buqetë me lule nga ish-i dashuri i vajzës së saj Khloé Kardashian, Tristan Thompson. Kris ka ndarë një foto duke e falënderuar dhe duke i thënë se e do atë.
“Faleminderit. Të dua”, ka shkruar 66-vjeçarja.
Postimi nuk u pëlqeu aspak fansave të familjes “Kardashian-Jenner”, të cilët i kujtuan Kris dhimbjen që vajza e saj duhej të duronte gjatë lidhjes me yllin e NBA.
“Si mund të shoqërohesh si nënë me dikë që e turpëroi vajzën tënde dhe e trajtoi si mbeturinë. Si, si?” ka shkruar një person i indinjuar në Reddit.
Ndërsa një fans tjetër tha: “A ekziston besnikëria në botën e tyre”.
“Nëse do të kisha një vajzë në pozicionin e Khloe, do të mbaja qëndrim qytetar për hir të fëmijës tim, por kurrë nuk do të pranoja hapur dhurata,” tha një i tretë.
Khloé Kardashian ka pasur një marrëdhënie të vështirë me disa nga ish-et e saj; megjithatë, babai i vajzës së saj e ka lënduar atë më shumë. Pas disa tradhtive dhe një skandali të atësisë që tronditi botën, biznesmenja tregoi se marrëdhënia e saj me lojtarin 31-vjeçar të NBA është e mirë.
