Ajo është e njohur për zërin e saj të mrekullueshëm! Por Christina Aguilera kishte më shumë fansa të interesuar lidhur me atë që e cilësuan si botoks (mbushës të fytyrës) gjatë performancës së saj në “American Music Awards” në Los Anxheles.
Ylli i “pop”-it, 36 vjeç, nderoi Whitney Houston me disa nga këngët e saj më të bujshme. Por fansat nisën të komentonin për paraqitjen e saj:
“Këndon shumë bukur, por duhet të ndalojë së fryri buzët me injeksione”.
Një tjetër ndjekës tha:
“Nuk e di nëse duhet të përqendrohemi në zërin e mahnitshëm të Christina Aguilera ose në mbushësit e saj të tmerrshëm të buzëve”.
Ndërsa një tjetër shkroi:
“Ajo mezi mund të hapë gojën për shkak të gjithë atyre injektimeve në buzë”.
Këngëtarja luajti këngë nga albumi “The Bodyguard”, që i dha Houston 8 çmime në “American Music Awards” në vitin 1992.
Aguilera u shfaq në skenë me një fustan saten të zi, ndërsa nisi me hitin më të madh “I Will Always Love You”.
Pavarësisht komenteve për buzët, ajo arriti që të bënte një performancë mahnitëse, e cila përloti edhe këngëtaren rivale të saj Pink. Ndërkohë që kamerat kanë xhiruar reagimet e audiencës, Pink dukej sikur ka ngrysur fytyrën në momentin që Christina ka kënduar në skenë.
Pas komenteve të shumta të marra nga përdoruesit në rrjetet sociale, Pink ka reaguar menjëherë në “Twitter”, duke shkruar:
“Po. Christina shkëlqeu sonte për një nga këngëtaret tona më preferuara të të gjitha kohërave. Kjo ka të bëjë me Whitney dhe unë jam koshiente për talentin e Christina. Shfaqni klipin ku unë jam duke qarë, ju komentues negative”.
Ato kanë kaluar një kohë të gjatë duke “luftuar” kundër njëra-tjetrës nëpër klasifikimet muzikore.
Burimi: Daily Mail
