Emri i saj ka kuptimin më të bukur në gjuhën shqipe. Dhe me sa duket, kuptimin e fjalës “Dua” nuk e dinë vetëm shqiptarët por edhe fansat e saj në Azi.
Gjatë një koncerti në Azi, këngëtarja shqiptare Dua Lipa është pritur me pankarta që kishin kuptimin “Të dua”.
Fansat kishin mësuar se “Dua” dhe të thotë “Të dua” në shqip dhe në pankartat e tyre ata shkruanin: “I Dua You”, duke nënkuptuar “I Love You”.
Këtë gjë e ka treguar babai i këngëtares, Dukagjin Lipa:
“Kur dashuria ka kuptim në të gjitha gjuhët”, shkruan ai në Instagram.
Sukseset e Dua Lipës nuk kanë fund dhe këngëtarja po zhvillon një turne koncertesh anembanë botës.
