Dua Lipa nuk lë rast pa përmendur origjinën e saj, ndërsa ka bërë krenarë të gjithë shqiptarët për suksesin e saj në muzikën botërore.
E lumtur për rrënjët e saj, artistja postoi në “Instagram” kopertinën e një libri që mban autorësinë e gjyshit të saj, Seit Lipa.
Libri me titull “Kosova në periudhën e rindërtimit”, tregon për erën e re të zhvillimit të shtetit më të ri të Ballkanit, pas përfundimit të luftës në Kosovë. Më tej, këngëtarja ka shkruar:
“Gjyshi im Seit Lipa ishte Kryetar i Institutit të Historisë së Kosovës, midis viteve 1990-1995. Dëshiroj të tregoj historinë tonë dhe nga vjen gjaku jonë dhe këtë gjë përpiqem t’ua tregoj njerëzve kudo që të shkoj dhe në çdo intervistë që jam nga Kosova. Kemi një histori shumë interesante, nga e cila mësoj nga pak çdo ditë. Kohët e fundit u publikua një artikull në lidhje me punën e gjyshërve të mi dhe kjo më bëri të flisja me krenari për ta. Ndaj do doja që të ndaja këtë moment të vogël me të gjithë ju”.
Dua Lipa do të performojë më 10 gusht të këtij viti në Kosovë, në një koncert madhështor që po pritet me shumë kureshti nga të gjithë fansat e saj.
