Lyrical Son është një prej reperëve më të dashur shqiptarë, i cili numëron hite në repertorin e tij dhe mijëra ndjekës në llogarinë e tij në Instagram.
Reperi mundohet të jetë herë pas here aktiv në rrjete sociale dhe shumica e postimeve që ai ndan, i dedikohet familjes së tij të bukur me të cilën është tepër i lidhur.
Paralelisht me suksesin e famën, ai ka krijuar edhe familjen e tij dhe lë kokën për të bijat, të cilat i shohim shpesh në llogarinë e tij në Instagram.
Vajza e tij e vogël, Erika, duket se ndan të njëjtin pasion me të atin për muzikën dhe këtë na e ka treguar bashkëshortja e reperit, Gresa.
Në një video të publikuar në InstaStory, Erika shfaqet duke krijuar disa tinguj në kitarë, të cilët duket se i shijon shumë.
Kjo video sigurisht që është ripostuar edhe nga reperi, të cilit duhet t’i jetë bërë zemra mal!
Së fundmi, reperi ka qenë i ftuar në “Prive”, ku ka ndarë me publikun detaje të rëndësishme nga jeta e tij teksa ka rrëfyer pesë datat më të rëndësishme në jetën e tij.
Ndër të tjera, Festimi ka folur rreth një prej periudhave më të këqija në jetë. Ai ka rrëfyer se në fillim të shtatzënisë së parë Gresës i është kërkuar të abortojë, por fatmirësisht kjo nuk ndodhi.
“Kur kemi marrë vesh që Gresa është shtatzënë, lajmin e parë e kemi marrë vesh në Prishtinë, dhe po thoshte është pak e dyshimtë, mi preu këmbët ajo gjinekologia, por nuk është ndonjë gjë pas 2-3 jave e kontrollojmë edhe njëherë dhe më pas shkuam edhe te një gjinekologe tjetër. Ajo i tha që ‘ti ke qesen e fëmijës, por embrion nuk ke, nuk ka fryt’, kështu që duhet të bërë abort. Edhe pse ishte fillimi, ai lajm ishte i keq dhe askush nuk do donte ta dëgjonte atë lajm”, ka thënë Lyrical Son.
Ai tregoi se gjetën mbështetjen te mjekët e duhur, mes të cilëve edhe nëna e mikut të tij të ngushtë dhe bashkëpunëtorit, MC Kresha. Kjo e fundit u ka thënë se nuk ka nevojë për abort, e kjo gjë i është thënë më pas edhe nga mjekë të tjerë.
“I ndërruam 2-3 mjek dhe kur ma bëri Kresha ‘O Festim a je budalla apo çfarë je?’, dhe tha “Hajde shkojmë te mjeku që duhet” dhe unë e përshëndes nënën e Kreshës sepse është e vetmja mjeke e cila na ka udhëzuar të bëjmë çfarë duhet të bëjmë, dhe kur kemi shkuar aty na ka thënë: “Shiko vajza ime, këtu po shohim çfarë po shfaq ekrani, mirëpo nuk të kisha thënë me abortu sepse nuk i dihet, nuk bën. Të njëjtat fjalë na i ka thënë mjeku në Shkup, i cili na e ka bo terapinë e njëjtë që e ka shkru edhe nëna e Kreshës edhe e kemi marrë atë terapi, për 10 ditë regjim shtrati, disa ilaçe dhe kur kemi shkuar pas 10 ditësh kemi shkuar pa shpresa, prapë kemi shkuar kinse ta abortojmë, dhe na ka thënë: Çfarë po doni të abortoni, a doni të ia dëgjoni pulsin fëmijës”
