Në emisionin “Fol me psikologen” është sjellë në diskutim ngjarja e ndodhur mbrëmjen e 4 tetorit në zonën e Ish-Bllokut, ku një person mbeti i vrarë. Gjatë bisedës, është sjellë në vëmendje figura e komandos Mevjol Bilo, babai i 2 fëmijëve, i cili ndodhet në arrati, ndërsa akuzohet se ka qëlluar me armë dhe ka vrarë Fabian Gaxhën.
Psikologia Ervis Lula ka arritur të komunikojë me familjarët e truprojës së Elvana Gjatës, të cilët janë ende në gjendje shoku. Familjarët kanë treguar se bashkëshortja dhe dy fëmijët e Mevjol Bilos janë në gjendje të rëndë psikologjike, pasi ende nuk arrijnë ta besojnë atë çfarë ka ndodhur. Sipas familjes, Bilo ka qenë përherë një baba dhe një njeri i dashur dhe profili i vrasësit i dhënë në media për ta është i pabesueshëm.
Ndërkohë që në arrati me Mevjol Bilon, ndodhet edhe i dashuri i Elvana Gjatës, Ervin Mata si dhe Fabian Allushi.
Burimi: News 24
