Misteri i vazhdueshëm mbi publikimin e kujtimeve të Princit Harry duket se ka sjellë mjaft shqetësim Pallatin Buckingham, ku familja mbretërore janë mjaft të frikësuar se çfarë do zbulohet në libër.
Libri është thënë se do të dilte në vjeshtë, por ka patur shtyrje të vazhdueshme.
Harry është shprehur se: “Unë po e shkruaj këtë libër jo si princi që kam lindur, por si njeriu që jam bërë. Kam veshur shumë kapele gjatë viteve, si në kuptimin e parë ashtu edhe në kuptimin figurativ dhe shpresoj që duke treguar historinë time – arritjet dhe uljet, gabimet, mësimet e nxjerra – mund të ndihmoj të tregoj se pavarësisht nga vijmë, ne kemi më shumë të përbashkëta sesa mendojmë.”
Sipas ‘Page Six’, libri i dukës së Sussex-it përmban informacione “bombë” dhe pritet të publikohet në vjeshtën e këtij viti, pavarësisht raporteve se është shtyrë.
“Ka shumë histori të reja për të kaluarën për të cilat Harry nuk ka folur më parë, për fëmijërinë e tij…ka disa përmbajtje që do ta bëjnë familjen e tij nervoze”- shprehen burime afër princit.
Mbretëresha Elizabeth kryeson sondazhin e fundit të mbretërve më të njohur. Një sondazh i ‘YouGov’ zbulon se 75 për qind e të rriturve britanikë kanë një pikëpamje pozitive për të; Kate Middleton është e dyta me 68 për qind, pastaj Princi William me 66 për qind dhe më pas, çuditërisht, Princi Filip i vdekur me 64 për qind. Më pas, Princesha Anne shënon 53 për qind, vajza e saj Zara Phillips 49 për qind, Princi Charles 42 për qind, gruaja Camilla 40 për qind, me Princin Harry (34 për qind), që kandidon pas Princit Eduard dhe Sophie. Meghan Markle (me 25 përqind) është vetëm një vend mbi Princin Andrew në fund të grumbullit.
