22-vjeçarja Kylie Jenner ishte në Atlanta në evenimentin sportiv më të madh të vitit, Finalen e Super Bowl, për të mbështetur partnerin e saj Travis Scott.
Bukuroshja ishte e pranishme për të përkrahur Travis-in gjatë performancës së tij, që meqë ra fjala, nuk ndodhi siç fansat e tij parashikonin. Ai nuk i bëri propozimin për martesë Kylie-it.
Ajo çka ra në sy gjatë ngjarjes së rëndësishme ishte mungesa e anëtarëve të familjes së 22-vjeçares. Ajo u shfaq në Super Bowl me disa mikesha të saj.
Motrat Kendall Jenner, Kim Kardashian dhe Kourtney Kardashian nga sa pamë në postimet e tyre në rrjetet sociale duket se e kanë kaluar ditën së bashku.
Familja Kardashian-Jenner përgjithësisht është shumë e lidhur për të mbështetur anëtarët e familjes në evenimente të tilla dhe ky rast është shumë i dyshimtë.
Rikujtojmë se pak kohë më parë Travis pati disa probleme me Kanye West.
Ky i fundit shkruajti në “Twitter” se Travis e ka kërcënuar atë dhe familjen e tij, pasi ai ishte ankuar se përse e kishte lënë Drake t’i bënte diss për atletet e tij në këngën “Sickomode”.
Mirëpo pak më vonë, Kanye lajmëroi se kishin zgjidhur mosmarrëveshjet!
