Familja e Kylie-t dëshiron që ajo të bashkohet me ish-in e saj, Travis Scott. Sipas një burimi për revistën “People”, ata mezi presin që t’i sqarojnë gjërat mes tyre.
“Familja e saj dëshiron që ata të jenë bashkë”, tha burimi.
“Travis mund të mos jetë perfekt, por ai është një partner dhe baba i shkëlqyer. Të gjithë do të mërziten nëse Kylie nuk do t’i rregullojë gjërat me Travis”.
Të dy takohen rregullisht me vajzën 20-muajshe Stormi.
“Ata janë një ekip i shkëlqyer dhe është një shenjë e mirë që kënaqen në shoqërinë e njëri-tjetrit”.
Miliarderja 22-vjeçare dhe reperi 28-vjeçar, i dhanë fund lidhjes së tyre pas dy vite e gjysmë.
Stormi jeton me Kylie-n, ndërsa babai i saj po mban një turne në SHBA, megjithatë ai e takon rregullisht dhe kalon kohë me të.
Më herët, burimet për median E News bënë me dije se ata janë duke u përpjekur për t’u rikthyer sërish bashkë.
“Të dy e dinë se është e pashmangshme. Ata vetëm kanë nevojë për hapësirë për të zgjidhur disa nga çështjet e tyre. Ata duan ta bëjnë marrëdhënien të funksionojë dhe të dy janë shprehur se i ka marrë malli dhe janë akoma të dashuruar me njëri-tjetrin”.
Nuk na mbetet gjë tjetër veçse të kryqëzojmë gishtat.
