Familja e Kanye West paska sugjeruar një emër të veçantë për vogëlushen Chicago, përpara se ajo të vinte në jetë, por Kim tha kategorikisht JO! Gjatë episodit të së dielës në “Keeping Up With The Kardashians”, Kim po i tregonte të motrës Khloe se familja e të shoqit propozoi që vajza të quhej Miracle. Dhe kaq desh, Kim u hodh menjëherë në sulm.
“Miracle West? Ngjan si Miracle Whip dhe ajo është stiptistja më e famshme e të gjitha kohërave!” – tregoi ajo.
Kushëriri i Kanye West po mundohej shumë t’i jepte një ndihmë Kim për emrin, por kjo e fundit ja preu shkurt.
“Dhe më pas më sugjeroi ‘Precious’ dhe i thashë më mirë të mos lodhet sepse nuk kemi të njëjtat shije për emrat” – tregoi ajo gjatë reality show-t.
Pasi fëmija erdhi në jetë, falë nënës surrogate, Kim Kardashian zbuloi se kishin zgjedhur ta quajnë Chicago.
“Kanye është nga Chicago me origjinë dhe në këtë qytet ka shumë kujtime me të ëmën. Pra është Chicago!” – përfundoi Kim Kardashian.
Chicago tashmë është rritur, është tetë muajshme dhe është kopje e Kim Kardashian.
