Eugent Bushpepa është rikthyer në Tiranë, pas përfaqësimit dinjitoz në finalen e festivalit të muzikës Eurovision 2018.
Por pas kthimit nga Lisbona, këngëtari i hitit “Mall” po përballet me një situatë të pakëndshme. Përmes një postimi në profilin e tij në Facebook, Eugent Bushpepa denoncoi se dikush po keqpërdor emrin e tij. Sipas tij, disa persona me pretendimin se janë ‘Eugenti’ po kërkojnë para për donacione nga njerëz të ndryshëm.
“Dikush, që pretendon se është Eugenti po përpiqet të vjedhë para nga njerëz të tjerë. Kushdo që ju kërkon fonde apo ndonjë lloj donacioni është FALSE. Ju lutem bëjini report dhe na ndihmoni.” shkruan Eugenti në postimin e tij.
