Gjakmarrja është një ndër plagët më të mëdha të shoqërisë shqiptare. Historia e rrëfyer në emisionin “Dua të të bëj të lumtur” tregonte pikërisht konfliktin e dy familjeve shqiptare, që kishte përfunduar në një tragjedi, vrasje!
Një vrasje që nisi gjakmarrjen, ku humbën jetën shumë persona nga të dyja familjet.
Gjoni, përmes emisionit “Dua të të bëj të lumtur”, ftoi përballë tij Martinin, i cili kishte vendosur t’i jepte fund gjakmarrjes mes dy familjeve.
“Martin të falenderoj si ty edhe vëllezërit e tu që i dhatë fund gjakmarrjes. Sot ne jetojmë në harmoni siç kemi qenë në fillim para se të ndodhnin konfliktet. Edhe pse kemi humbur shumë persona më në fund ne jetojmë të qetë.” – u shpreh Gjoni.
Ashtu si Gjoni, edhe djali i Martinit falenderoi të atin se nuk e kishte mësuar me urrejte.
“Ne nuk duhet t’i mësojmë brezat e rinj me idenë e gjakmarrjes. Nuk duhet të lëmë probleme dhe pasoja tek brezat që vijnë pas nesh. Ne duhet të hapim negociatat midis nesh!” trehon Martini.
Marin Mema ishte surpriza e Arbanës për Martinin. Gazetari i “Top Channel” kërkoi nga të gjithë të ndjekin shembullin e Martinit dhe të falin sepse burrëri nuk është të vrasësh, por të falësh.
