Çifti i njohur Justin Bieber dhe Hailey Bieber festojnë sot 4-vjetorin e martesës.
Këngëtari dhe modelja nuk i kanë kursyer fjalët e ëmbla për njëri-tjetrin në rrjetet sociale. Hailey postoi një sërë fotosh në profilin e saj, krahas së cilave bën edhe një dedikim publik për bashkëshortin e saj.
“4 vjet e martuar me ty. Njeriu më i bukur që kam njohur ndonjëherë… dashuria e jetës sime. Faleminderit Zotit për ty”- shkruan ajo krahas postimit që përfshin disa foto romantike të çiftit.
Nga ana tjetër nuk ka munguar një postim as nga ana e Justin. Kënëgtari ka publikuar në Instagram një foto me modeles, ndërsa shkruan: “Gëzuar përvjetorin bashkëshortes dhe shoqes sime më të mirë @haileybieber… faleminderit që më bën më të mirë në çdo mënyrë”
Justin dhe Hailey u martuan në 2018; së pari në një gjykatë në New York, e ndjekur nga një ceremoni e dytë me miqtë dhe familjen në Karolina e Jugut në 2019. Në katër vitet që nga martesa, çifti janë përballur me disa sfida, së fundmi, gjendjen shëndetësore të Justin dhe Hailey.
“Isha duke ngrënë mëngjes me burrin tim kur nisa të kisha simptoma të goditjes dhe më dërguan në spital. Zbulova se kisha një mpiksje shumë të vogël në tru, e cila kishte shkaktuar mungesë oksigjeni,”-tregoi Hailey për goditjen në tru që pësoi disa muaj më parë.
Pas kësaj situate të rëndë Justin Bieber u shpreh për “People” se do të bënte gjithçka për mos e humbur bashkëshorten e tij.
